Forum Komunitas Online Gunungkidul
 
IndeksJual BeliPortal FKOGKFAQPencarianPendaftaranAnggotaLogin
GEGURITAN (puisi boso jowo) 5 5 1
Share | 
 

 GEGURITAN (puisi boso jowo)

Topik sebelumnya Topik selanjutnya Go down 
Pilih halaman : 1, 2, 3  Next
PengirimMessage
akhmad subekti
Koordinator


Lokasi: wonosari
Reputation: 3
Join date: 30.03.08

PostSubyek: GEGURITAN (puisi boso jowo)   Fri Apr 11, 2008 8:51 am

First topic message reminder :

RON GARING



Wengi sansaya atis

nalika aku sesingidan ing sajroning swara gamelan

kang digawa dening angin



prasasat tan kendhat

anggonku kulak warta adol prungu

ananging isih mamring



aku wis pingin cecaketan

obormu kang makantar-kantar

madhangi jangkah lan jagatku



ana ngendi papanmu

lelana tapa brata

tanpa pawarta tanpa swara



aku kadya ron garing

kumleyang kabur kanginan

ing jagat peteng lelimengan



krasa luwih abot

anggonku ngadhepi dina-dina ing ngarep

mlakuku ora mantep



kagubet ribet lan ruwet

adoh saka cahyamu

pedhut ing sakindering pandulu



panjenengan

guruku, sihku, oborku

kancanana sukmaku sinau bab katresnan sajroning ati.

[i]Pengarang[/i] : Budhi setyawan
http://www.budhisetyawan.wordpress.com
Kembali Ke Atas Go down
http://wasiat.multiply.com

PengirimMessage
raxsheeds911
Lurah


Join date: 09.06.08

PostSubyek: Re: GEGURITAN (puisi boso jowo)   Wed Feb 11, 2009 9:42 pm

SEDYAKU

Wis, Jeng...
Aku sumeleh
nyelehake pangarep-arepku
marang katresnan lan kawigatenmu sing semu
yen nyatane amung semene
cunthele lelakonku...

Pepenginku tansah sumandhing
lan nresnani sliramu
kudu dakprunggel
sing luwih wigati, Jeng
donga lan pengestumu wae
tansah mili kanggo aku

Wis, Jeng
aku pamit
becik njembarake pikir
nggayuh kabegjan
mring ati lan katresnan satuhu
tan ora binagi ing liyan
sempurna ing guritan siji... Sad
Kembali Ke Atas Go down
http://monetize2urblog.blogspot.com
dewalangit
Officer


Join date: 20.07.08

PostSubyek: Re: GEGURITAN (puisi boso jowo)   Wed Feb 11, 2009 9:51 pm

Aku ora iso geguritan ki,..
sopo sing gelem ngajari yo...??
Isaku gur "bapak pocung",...oleh ora lek...?
Kembali Ke Atas Go down
http://www.saeahchim.co.kr/
raxsheeds911
Lurah


Join date: 09.06.08

PostSubyek: Re: GEGURITAN (puisi boso jowo)   Wed Feb 11, 2009 9:56 pm

Sing penting sregep maos wacan boso jowo Mas... Very Happy
contone mawon majalah nopo tabloid...kados panjebar semangat, Joko lodhang lan sakpanunggalanipun...

Lha kulo niki nembe belajar kok mas...
Kembali Ke Atas Go down
http://monetize2urblog.blogspot.com
dewalangit
Officer


Join date: 20.07.08

PostSubyek: Re: GEGURITAN (puisi boso jowo)   Wed Feb 11, 2009 10:06 pm

Joko lodhang ki neng Gunungkidul ora ono ketoke,..
nek trubus ono ora yo...?
Kembali Ke Atas Go down
http://www.saeahchim.co.kr/
raxsheeds911
Lurah


Join date: 09.06.08

PostSubyek: Re: GEGURITAN (puisi boso jowo)   Wed Feb 11, 2009 10:15 pm

Ya..cobi mawon mas dipadosi nopo mandhap teng jogja mesthine wonten
Kembali Ke Atas Go down
http://monetize2urblog.blogspot.com
dewalangit
Officer


Join date: 20.07.08

PostSubyek: Re: GEGURITAN (puisi boso jowo)   Wed Feb 11, 2009 10:18 pm

nek nggen situs nopo web wonten mboten nggih,..menawi wonten mbok kulo nyuwun link e..?
matursuwun sakderenge..
Kembali Ke Atas Go down
http://www.saeahchim.co.kr/
Ki Sosro Harjono
KorLap


Join date: 05.11.08

PostSubyek: Re: GEGURITAN (puisi boso jowo)   Thu Feb 12, 2009 11:05 am

Lintang-lintang

lintang-lintang abyor ing tawang
cumlorot sliweran nalika alihan
kumleyang mencok ing socamu asihku
cahyane gumebyar sunare gilar-gilar
ing telenge atimu sliramu tansah dakantu

lintang-lintang alihan
cumlorot telu ana pundhakku
kawitan lintang abang lintang perang
kapindho lintang mirunggan lintang kamanungsan
pungkasan lintang kumukus lintang kadurakan


(Suharmono, Jaya Baya. XXXI, 1977:26)

Hayu ning bawono
Kembali Ke Atas Go down
http://www.offijogja.blogspot.com
gaplex
Koordinator


Join date: 07.01.09

PostSubyek: Re: GEGURITAN (puisi boso jowo)   Thu Feb 12, 2009 11:41 am

Ipung Purwanto wrote:
Bangkit Wicaksana wrote:
mas aku gawekno geguritan sing patut nggo gawe undangan pernikahan,...
Mungkin sing koyo ngene iki mas...,

Pangajab ;
Atimu kang wingit mara selehna ing dhadhaku,
atimu kang wengis mara tumpangna ing tanganku.

Priya kang tansah ngulandara mara nyedhaka,
ing tanganku tumetes anyesing banyu sih sutresna.

Angin bengi angining pangayoman,
mara nyedhaka ing samubarang tumandukmu.

Priya kang tansah ngulandara,
ing kene ana halte pungkasan.

(Napsiah Sastrasiswaja, Djaja Baja: XVIII No. 28, 16)

salut tenan aku... Aplouse
ijek do kelingan bab ngono2 kui
aku dewe moco we bingung
Kembali Ke Atas Go down
http://www.ndtindonesia.com
Ipung Purwanto
Camat


Join date: 08.03.08

PostSubyek: Re: GEGURITAN (puisi boso jowo)   Thu Feb 12, 2009 12:16 pm

Mas kuwi jenenge nguri-uri kabudayan lha nek orak awake dewe sing nyinau gek sopo sing arep nerus ake.... mesakne welingane simbah biyen,.....
Kembali Ke Atas Go down
raxsheeds911
Lurah


Lokasi: Ciledug
Reputation: 0
Join date: 09.06.08

PostSubyek: Re: GEGURITAN (puisi boso jowo)   Thu Feb 12, 2009 7:10 pm

dewalangit wrote:
nek nggen situs nopo web wonten mboten nggih,..menawi wonten mbok kulo nyuwun link e..?
matursuwun sakderenge..


Mas Dewa Langit...nyobi njenengan buka link meniko...mugi-mugi saged kangge pasinaonan sesarengan http://www.ki-demang.com/
http://www.ki-demang.com/
Kembali Ke Atas Go down
http://monetize2urblog.blogspot.com
dewalangit
Officer


Lokasi: Jl.jogja-wnsari km 20 Patuk.Dhaksinargha Bhumikarta.
Reputation: 39
Join date: 20.07.08

PostSubyek: Re: GEGURITAN (puisi boso jowo)   Thu Feb 12, 2009 8:09 pm

Maturnuwun Mas Raxsheed,..sampun kulo cobi,..
ajib

_________________
Dengan Ilmu hidup jadi mudah
Dengan Seni dan Cinta hidup jadi indah
Dengan Agama hidup jadi terarah
Dengan smart & smile hidup jadi bergairah


FB
Kembali Ke Atas Go down
http://www.saeahchim.co.kr/
must_ed
Koordinator


Lokasi: kaki gunung singa
Reputation: 8
Join date: 24.01.09

PostSubyek: GEGURITAN (puisi boso jowo)   Mon Jun 29, 2009 8:38 am

SEPI....

iki sepine sopo?
kathik ono sepi sepo....

langit peteng kagubeng dening mendung....
tanpa angin tanpa wicara...
tanpa lagon tanpa gending...

yen sliramu isih rumongso tresno
gunemu bakal dak anti...

nadyan getir rasaning ati....

sepi....
iki sepine sopo
kathik ono sepi sepo...

:L00*^: :L00*^: :L00*^:
Kembali Ke Atas Go down
must_ed
Koordinator


Lokasi: kaki gunung singa
Reputation: 8
Join date: 24.01.09

PostSubyek: Re: GEGURITAN (puisi boso jowo)   Mon Jul 06, 2009 1:16 pm

STASIUN GAMBIR WANCI ESUK
(dening: Triman Laksana. stasiun gambir 301108)

tekaktu iki, ora nggawa kabar dhuhkita
sanajan tetep isih kebak tandha pitakon
mung wae nuhoni jejege laku tama
gawe gegayuhan kang bakal dadi ati
lelandhesan karep.... nyekel angin ana epek-epek

wis dak rungkebi, dawane dedalanan
kanggo janji-janji kawuri sing bakal tumeka
ana sangarepe kori kahanan padhang
bareng mandhege sepur bima... ana stasiun gambir
srengenge isih tetep padha... madhangi jagat iki

kebak sanggan ana raga, supaya dadi kasunyatan
nyawiji siji... ing sajroning pangkon
Kembali Ke Atas Go down
iLik
Warga


Lokasi: DOLOPO
Reputation: 0
Join date: 19.08.09

PostSubyek: Re: GEGURITAN (puisi boso jowo)   Tue Aug 25, 2009 8:27 pm

nyuwun sewu poro sederek.........
niki nubi........

dalem kapurih req geguritan.....
matur suwun
Kembali Ke Atas Go down
ko jo wo
Warga


Lokasi: indosia
Reputation: 0
Join date: 14.09.09

PostSubyek: Re: GEGURITAN (puisi boso jowo)   Sun Sep 20, 2009 1:36 am

must_ed wrote:
SEPI....

iki sepine sopo?
kathik ono sepi sepo....

langit peteng kagubeng dening mendung....
tanpa angin tanpa wicara...
tanpa lagon tanpa gending...

yen sliramu isih rumongso tresno
gunemu bakal dak anti...

nadyan getir rasaning ati....

sepi....
iki sepine sopo
kathik ono sepi sepo...

:L00*^: :L00*^: :L00*^:


pancen sepi pakde........ ati mari mati tansah nunggoni... ;) :*)0(: :vo;;:
Kembali Ke Atas Go down
ria
Warga


Lokasi: SMA N I Sewon
Reputation: 0
Join date: 21.09.09

PostSubyek: Re: GEGURITAN (puisi boso jowo)   Mon Sep 21, 2009 10:44 am

Nuwun sewu,
keparengan ing mriki kula badhe urun rembag babagan seratan panjenengan, inggih punika:
sopo kedahipun dipunserat sapa
ono kedahipun dipunserat ana
poro kedahipun dipunserat para

matur sembah nuwun, mugi Basa Jawa tansah rahayu ning owah gingsiring jadad modern...
Kembali Ke Atas Go down
must_ed
Koordinator


Lokasi: kaki gunung singa
Reputation: 8
Join date: 24.01.09

PostSubyek: Re: GEGURITAN (puisi boso jowo)   Fri Sep 25, 2009 8:34 am

ria wrote:
Nuwun sewu,
keparengan ing mriki kula badhe urun rembag babagan seratan panjenengan, inggih punika:
sopo kedahipun dipunserat sapa
ono kedahipun dipunserat ana
poro kedahipun dipunserat para

matur sembah nuwun, mugi Basa Jawa tansah rahayu ning owah gingsiring jadad modern...

matur nuwun sampun dipun leresaken.... mbok mangga dipun tambahi geguritanipun....

_________________
BOCAH NDESO ARANG NGERTI KUTHO
Kembali Ke Atas Go down
mbah surip
KorLap


Lokasi: ***
Reputation: 0
Join date: 13.02.09

PostSubyek: Re: GEGURITAN (puisi boso jowo)   Fri Sep 25, 2009 1:01 pm

................. ajib ..................... ..................... ajib
....................................................................................
Kembali Ke Atas Go down
rizky
Pengawas


Lokasi: Nganjuk-Wonosari-bekasi
Reputation: 7
Join date: 24.08.09

PostSubyek: Re: GEGURITAN (puisi boso jowo)   Fri Sep 25, 2009 2:19 pm

weladalah si mbah ikki malah mung gur gisi titik titik ki jur kepriwe frustasi

_________________
Ampiranku
FBku Gonku cangkruk kene
Kembali Ke Atas Go down
http://ispria.blogspot.com/
must_ed
Koordinator


Lokasi: kaki gunung singa
Reputation: 8
Join date: 24.01.09

PostSubyek: Re: GEGURITAN (puisi boso jowo)   Sat Oct 17, 2009 2:24 pm

TRESNAKU

kayungyun duk samana nalika dak sawang
runtut gunemmu
dakik-dakik seratanmu ing nawala

aku ngerti, merga suket godhong lan rembulan
dadi mitramu sejati
rina wengi tan bisa goling

aku rugi.......
merga aku lali

banjur....
tresnaku kaseret pedhut
surup....
esuk....
lan kapan wae
mesthi bakal ana wayah manembah
pucuking angen-angen

TRESNAKU ndak sok mring GUSTI....

_________________
BOCAH NDESO ARANG NGERTI KUTHO
Kembali Ke Atas Go down
Ipung Purwanto
Camat


Lokasi: Lubang Buaya Jaktim
Reputation: 5
Join date: 08.03.08

PostSubyek: Re: GEGURITAN (puisi boso jowo)   Tue Oct 20, 2009 2:03 am

CIDRO ING KATRESNAN

Diajeng...
Tak tulis layang iki...

Naliko langit kebak mendung
Gawang - gawang katon lelakon kang wus kepungkur...

Naliko ndak sawang netramu ing tegal papungan...
Laras pipimu ing watu kendal
Lan tak geget ladimu ing sendang GlagaH

Hemmm...achhh.. nanging ora jeng...

Jebul tresnamu cethek koyo kali kang kebak padas ...
Ringkih koyo kayu gapuk...
Kering koyo jati aking...

Aku wus ora nduwe pengarep arep meneh jeng.... :oops:
Kembali Ke Atas Go down
must_ed
Koordinator


Lokasi: kaki gunung singa
Reputation: 8
Join date: 24.01.09

PostSubyek: Re: GEGURITAN (puisi boso jowo)   Sat Oct 24, 2009 11:06 am

KATRESNAN JATI

katresnan sejati iku mung ngayawara
Rama tegel merjaya Shinta ing pati obong
(mung kanggo bukti sihing tresna)
Yen ngono katresnan jati iku lelandhesan cubriya???

dudu.... dudu....
kaca benggala sing salah
kaca benggala sing bubrah

nanging ngapa isih kaanggep omah
kanggo ngeyup pepayung langit biru
kanggo lelumban ing samudra biru
marang jalma kang ketaman ati biru?

katresnan jati iku kadya caritane lelembut
kerep den blabarake
angel den sunyataake

katresnan jati nora nyawang sendanging tirta
nyemplunga saraga jiwa...
UNJUKEN!!!!

_________________
BOCAH NDESO ARANG NGERTI KUTHO
Kembali Ke Atas Go down
setan_baek
Warga


Lokasi: Central Java
Reputation: 0
Join date: 25.10.09

PostSubyek: Re: GEGURITAN (puisi boso jowo)   Sun Oct 25, 2009 8:17 am

kasmaran kui Aplouse
Kembali Ke Atas Go down
Ipung Purwanto
Camat


Lokasi: Lubang Buaya Jaktim
Reputation: 5
Join date: 08.03.08

PostSubyek: Re: GEGURITAN (puisi boso jowo)   Sun Nov 08, 2009 1:56 am

Lha endi ki kok sepi...?
Kembali Ke Atas Go down
Mas Panut
Warga


Lokasi: piyaman, wonosari, gunungkidul
Reputation: 0
Join date: 29.11.09

PostSubyek: Re: GEGURITAN (puisi boso jowo)   Sun Nov 29, 2009 5:35 pm

yo...yo.....yo....
Kembali Ke Atas Go down
must_ed
Koordinator


Lokasi: kaki gunung singa
Reputation: 8
Join date: 24.01.09

PostSubyek: Re: GEGURITAN (puisi boso jowo)   Thu Dec 10, 2009 12:45 pm

GURIT PURNAMA RATRI
(kapethik saka titik nol poject)

gurit iki
kaanggit saka tetesing lamur
ing wengi kang nggendhong rembulan

purnama kagambar ing tirta
tlaga pangiloning kalbu
kaya kang kagambar
rupa-Mu satuhu

_________________
BOCAH NDESO ARANG NGERTI KUTHO
Kembali Ke Atas Go down
Koma
Warga


Lokasi: Jawi Wetan
Reputation: 0
Join date: 16.12.09

PostSubyek: Re: GEGURITAN (puisi boso jowo)   Wed Dec 16, 2009 11:57 pm

Eluh iki wis gak nate tumetes..
prasasat garing najan ing mongso rendeng.
Jembaring tegal wus tak pecak i..
Dawaning dalan wus tak lakoni..
Ananging...
Durung ono gegayuhan kang rinengkuh..
tumraping sangu ing mongso sesuk..
opo maneh kanggo darmo bhekti maring nuswantoro.
duh Gusti Akaryo Jagad..
Mugi Panjenengan tuntun kawulo dumateng margi ingkang leres..
Amiin..
:oops: frustasi
(taksih blajar)
salam raket kawulo saking jawi wetan,
Kembali Ke Atas Go down
http://cyberkoma.kilu.de
must_ed
Koordinator


Lokasi: kaki gunung singa
Reputation: 8
Join date: 24.01.09

PostSubyek: Re: GEGURITAN (puisi boso jowo)   Sat Dec 19, 2009 11:19 am

Sugeng rawuh Roko Mas Koma, sumangga sinau sesarengan awit sedaya ugi nembe sinau... :o*00: :o*00: :o*00: :o*00: :o*00:

_________________
BOCAH NDESO ARANG NGERTI KUTHO
Kembali Ke Atas Go down
Koma
Warga


Lokasi: Jawi Wetan
Reputation: 0
Join date: 16.12.09

PostSubyek: Re: GEGURITAN (puisi boso jowo)   Sat Dec 19, 2009 9:01 pm

must_ed wrote:
Sugeng rawuh Roko Mas Koma, sumangga sinau sesarengan awit sedaya ugi nembe sinau... :o*00: :o*00: :o*00: :o*00: :o*00:

Injih. Sembah nuwun seduoyo, awit kawulo saking tlatah jawi wetan, sampen katampi kanthi jembaring manah. Suwun.
Kembali Ke Atas Go down
http://cyberkoma.kilu.de
Ipung Purwanto
Camat


Lokasi: Lubang Buaya Jaktim
Reputation: 5
Join date: 08.03.08

PostSubyek: Re: GEGURITAN (puisi boso jowo)   Sun Dec 20, 2009 5:47 pm

KEKUDANGANKU

o... ngger sang ponang jabang bayi
bebarengan tangismu kang kejer sumusup ing wengi
sira wus lahir kanthi slamet
nyawang gumelaring jagat raya

yen sira nangis tak emban lan tak tembangake dandang gula lingsir wengi
kapurih sira bisa turu kanthi tentrem
yen sira mesem tak kudang tak liling

o.... ngger sang ponang jabang bayi
tak gadang dadiya wong kang luhur bebudenmu ing tembe ***
Kembali Ke Atas Go down
budhisetya69@yahoo.com
Warga


Lokasi: Jakarta
Reputation: 0
Join date: 30.04.10

PostSubyek: Re: GEGURITAN (puisi boso jowo)   Fri Apr 30, 2010 3:24 pm

mohon maaf, saya beri komentar sedikit.

dengan ini saya beritahukan bahwa geguritan berjudul Ron Garing yang dimuat di sini adalah karya saya, Budhi Setyawan. karya tersebut pernah termuat di Majalah basa jawa Panjebar Semangat edisi 4 tahun 2008. saya berterimakasih geguritan saya ikut terpajang di sini. namun mohon dengan sangat agar mencantumkan nama saya sebagai pengarangnya. geguritan saya tersebut saya posting sudah lama di blog pribadi saya httt://www.budhisetyawan.wordpress.com

memang saya tidak menyadari, bahwa setelah saya posting di blog saya, rupanya banyak yang mengunduh tulisan saya tanpa mencantumkan nama saya sebagai pengarangnya. saya masih berpikiran positif sebagai kelupaan, bukan kesengajaan untuk plagiat atau pencurian karya.

mohon kepada koordinator website ini untuk memperbaiki kekurangan dalam penayangan geguritan saya tersebut.

terima kasih,

Budhi Setyawan,
penyair, pemusik, presenter
Kembali Ke Atas Go down
Ipung Purwanto
Camat


Lokasi: Lubang Buaya Jaktim
Reputation: 5
Join date: 08.03.08

PostSubyek: Re: GEGURITAN (puisi boso jowo)   Fri Apr 30, 2010 6:08 pm

Sugeng pepanggihan....
Sumonggo Mas Budhi.S mbok bileh wonten ingkang badhe dipun serat malih supadhos kawruh ngenani wawasan Geguritan meniko saget mahanani toto boso ing mriki...

Matur nuwun
Kembali Ke Atas Go down
rmlodang
Camat


Lokasi: Kayangan junggring saloko.
Reputation: 12
Join date: 12.08.08

PostSubyek: Re: GEGURITAN (puisi boso jowo)   Fri Apr 30, 2010 7:59 pm

Kang ipung mbok nyuwun tulung geguritan seik judule ron garing kuwi ing ngaisor dewe ditulisi disadur dari......menawi pancen weis ono hak kepemilikan. Matur nuwun.
Kembali Ke Atas Go down
http://maryoto_metal@yahoo.com
Ipung Purwanto
Camat


Lokasi: Lubang Buaya Jaktim
Reputation: 5
Join date: 08.03.08

PostSubyek: Re: GEGURITAN (puisi boso jowo)   Sat May 01, 2010 8:56 pm

budhisetya69@yahoo.com wrote:
mohon maaf, saya beri komentar sedikit.

dengan ini saya beritahukan bahwa geguritan berjudul Ron Garing yang dimuat di sini adalah karya saya, Budhi Setyawan. karya tersebut pernah termuat di Majalah basa jawa Panjebar Semangat edisi 4 tahun 2008. saya berterimakasih geguritan saya ikut terpajang di sini. namun mohon dengan sangat agar mencantumkan nama saya sebagai pengarangnya. geguritan saya tersebut saya posting sudah lama di blog pribadi saya httt://www.budhisetyawan.wordpress.com

memang saya tidak menyadari, bahwa setelah saya posting di blog saya, rupanya banyak yang mengunduh tulisan saya tanpa mencantumkan nama saya sebagai pengarangnya. saya masih berpikiran positif sebagai kelupaan, bukan kesengajaan untuk plagiat atau pencurian karya.

mohon kepada koordinator website ini untuk memperbaiki kekurangan dalam penayangan geguritan saya tersebut.

terima kasih,

Budhi Setyawan,
penyair, pemusik, presenter

Katur pambagyo Wilujeng , Kagem Mas Budhi sak sampunipun dalem waos imbal kaping kaleh leres menopo ingkang dados ganjeling penggalih sampun dalem leresaken,minongko koordinator dalem pinyambak nyuwun agunging pangarsami mbok bileh menopo ingkang sampun kawedal saking member boso jowo ( Bp.Bekti ) saget andadosaken pepenget kagem member sanes ipun, lan ing pangajab mugio tansah gemah ing pemanggih.

Matur nuwun..
Kembali Ke Atas Go down
must_ed
Koordinator


Lokasi: kaki gunung singa
Reputation: 8
Join date: 24.01.09

PostSubyek: Re: GEGURITAN (puisi boso jowo)   Tue May 18, 2010 1:49 pm

Ipung Purwanto wrote:
budhisetya69@yahoo.com wrote:
mohon maaf, saya beri komentar sedikit.

dengan ini saya beritahukan bahwa geguritan berjudul Ron Garing yang dimuat di sini adalah karya saya, Budhi Setyawan. karya tersebut pernah termuat di Majalah basa jawa Panjebar Semangat edisi 4 tahun 2008. saya berterimakasih geguritan saya ikut terpajang di sini. namun mohon dengan sangat agar mencantumkan nama saya sebagai pengarangnya. geguritan saya tersebut saya posting sudah lama di blog pribadi saya httt://www.budhisetyawan.wordpress.com

memang saya tidak menyadari, bahwa setelah saya posting di blog saya, rupanya banyak yang mengunduh tulisan saya tanpa mencantumkan nama saya sebagai pengarangnya. saya masih berpikiran positif sebagai kelupaan, bukan kesengajaan untuk plagiat atau pencurian karya.

mohon kepada koordinator website ini untuk memperbaiki kekurangan dalam penayangan geguritan saya tersebut.

terima kasih,

Budhi Setyawan,
penyair, pemusik, presenter

Katur pambagyo Wilujeng , Kagem Mas Budhi sak sampunipun dalem waos imbal kaping kaleh leres menopo ingkang dados ganjeling penggalih sampun dalem leresaken,minongko koordinator dalem pinyambak nyuwun agunging pangarsami mbok bileh menopo ingkang sampun kawedal saking member boso jowo ( Bp.Bekti ) saget andadosaken pepenget kagem member sanes ipun, lan ing pangajab mugio tansah gemah ing pemanggih.

Matur nuwun..

leres pangandikanipun Kangmas Ipung... dalem ugi nyuwunaken pangapunten, lan ugio ugi dados pepenget kita sedaya, supados tansah "menghargai" kreatifitass piyantun sanes... matur nuwun...

_________________
BOCAH NDESO ARANG NGERTI KUTHO
Kembali Ke Atas Go down
must_ed
Koordinator


Lokasi: kaki gunung singa
Reputation: 8
Join date: 24.01.09

PostSubyek: Re: GEGURITAN (puisi boso jowo)   Mon Nov 22, 2010 12:46 pm



bungah.....
rasa ati kang sumringah,
nalika sakloron sedya mring nikah
bakal binangun ing omah-omah
wong atuwo padha polah

duk semana......
katon endah ing panetran
karasa regeng ing angen-angen
rinonce ing kembang-kembang
katon gampang....

opo yo ngono???
ora gampang ambangun bebrayan...
ojo digawe mumet, merga butuh beras liniwet
ojo digawe sembrana, merga mesthi akeh godha...

eling....
donya iki wis miring
kabeh kudu padha eling
eling marang pepeling....

_________________
BOCAH NDESO ARANG NGERTI KUTHO
Kembali Ke Atas Go down
chahyo
Lurah


Lokasi: Kotagede, Yogyakarta
Reputation: 0
Join date: 12.02.10

PostSubyek: Re: GEGURITAN (puisi boso jowo)   Sun Mar 27, 2011 11:21 pm

PITAKONAN
dening:chahyo

Marga apa jangkahku cupet

Kepara kliwat

Sing tak ranggeh luput

Angen angenku nyebal

Kabeh impenku ilang nalika tangi

Ora dadi wujud sing nyata

Kabeh pangucapku mung mandeg ing lathi

Ora bisa karungokake dening liyan

Kabeh kui uwis pestine

Apa aku sing kleru arah

Kabeh kui bakal sak teruse apa sakwetara

Arep takon marang mega

Ananging aku dudu manuk

Arep takon marang surya

Ananging aku ing tengahing wengi

kotagede , maret-2011
OOooooOOOOOOOOooooOO

Kembali Ke Atas Go down
http://chahyo.wen.ru
chahyo
Lurah


Lokasi: Kotagede, Yogyakarta
Reputation: 0
Join date: 12.02.10

PostSubyek: Re: GEGURITAN (puisi boso jowo)   Mon Mar 28, 2011 5:46 pm

PEPADHANG
dening : chahyo

Pepadhang Anjalari aku weruh endahing taman sriwedari uga wengising bethoro kolo
Anjalari aku krungu gendhing lokananta uga suaraning brontoyudo
Anjalari aku ngrasakake lumere kulite dewi sinta uga panasing geni kawah candradimuka
Anjalari angen angenku sigrak kaya jogeding anoman ing pucuking wit sidogori
Ananging merga pepadhang kui aku dadi lali marang pakem
Kelir kang kudu padhang malah dadi peteng

kotagede , maret-2011
OOooooOOOOOOOOooooOO

Kembali Ke Atas Go down
http://chahyo.wen.ru
chahyo
Lurah


Lokasi: Kotagede, Yogyakarta
Reputation: 0
Join date: 12.02.10

PostSubyek: Re: GEGURITAN (puisi boso jowo)   Tue Mar 29, 2011 7:13 am

LUKISAN SAKA KEBUL
dening : chahyo

Kanggoku uwis cetho
Yen dalan iki buntu
Ananging sikil iki angel diendheke
Amarga angin banter njalari terus lumaku
Angin kui terus mbisiki yen ing kana ana taman kang endah
Lan iku njalari aku terus mlaku nuruti angin
Pancen nang kana ana taman lan widadari
Ananging taman ora bisa dileboni
Lan widadari amung bisa kadulu
Awit taman lan widadari kui amung lukisan saka kebul
Lan bakal ilang ing wayah esuk

kotagede , maret-2011
OOooooOOOOOOOOooooOO

Kembali Ke Atas Go down
http://chahyo.wen.ru
 

GEGURITAN (puisi boso jowo)

Topik sebelumnya Topik selanjutnya Kembali Ke Atas 
Halaman 1 dari 3Pilih halaman : 1, 2, 3  Next

Permissions in this forum:Anda tidak dapat menjawab topik
FKOGK :: IT GADGET & EDU CORNER :: Boso Jowo-